TIMU YA MENEJIMENTI YA MANISPAA YA IRINGA YAWATAKA WASIMAMIZI WA MIRADI KUONGEZA KASI

Posted on: November 10th, 2020

Timu ya menejimenti ya Halshauri ya Maniapaa ya iringa leo 10/11/2020 imeendelea na ziara yake iliyoanza tarehe 5/11/2020 Ambapo wajumbe wametembelea na kukagua miradi mbalimbali ya maendeleo inayotekelezwa na Manispaa ya Iringa.

Akiongoza ziara hiyo kaimu Mkurugenzi wa Manispaa ya Iringa omary Mkangama amesema miradi inayotekelezwa ni miradi ya Afya,maji,Elimu,miundombinu, nk ambapo miradi hiyo inatekelezwa katika Kata kumi na nane zilizoko Manispaa ya Iringa.

Mkangama amesema menejimenti ina wajibu wa kuangqlia na kusimamia kwa karibu baadhi ya miradi yenye changamoto  kubwa ambayo insuasua na kuzitatua changamoto hizo kwa haraka ili kukamilisha miradi hiyo kwa wakati na kuwa na viwango vinavyotakiwa.

Aidha miradi iliyotembelewa leo ni pamoja na mradi wa shule ya sekondari Ipogolo ujenzi wa madarasa matatu na maabara moja,mradi wa ujenzi wa madarasa sita na choo shule ya sekondari ya Igumbilo.pamoja na mradi wa ujenzi wa madarasa mawili na ofisi moja.