BARAZA LA MADIWANI LAPOKEA TAARIFA ZA KIPINDI CHA ROBO YA TATU 2017/2018

Posted on: May 10th, 2018

Baraza  la Madiwani  la kupokea taarifa za kata katika Halmashauri ya Manispaa ya Iringa limepitia  taarifa  za mafanikio ya utekelezaji wa shughuli  mbalimbali  za  maendeleo   kwa  kata zote kumi na nane (18) za manispaa  ya Iringa kwa kipindi cha robo ya tatu  (Januari-Machi ,2017)  tarehe 10/ 05/2018  katika ukumbi wa Manispaa ya Iringa .

Baraza hilo limeongozwa na  Mstahiki Meya wa Manispaa ya Iringa Mh. Alex Kimbe   kwa kushirikiana na kaimu Mkurugenzi Manispaa ya Iringa , pamoja  na watendaji wa kata zote  na wataalamu kutoka manispaa .

Katika kikao hicho wamewaagiza wataalamu kuleta katika kikao kinachofuata maeneo yote ya manispaa yaliyopimwa na ambayo hayajapimwa ili kuweza kuchukua hatua kwa maeneo  ambayo hayajapimwa kuchukua hatua kabla maeneo hayo ya taasisi hayajavamiwa.

Mh. Kimbe amewapongeza  wote walioleta taarifa katika baraza hilo na kuahidi kufanyia kazi  baadhi ya changamoto zilizojitokeza.