HUDUMA ZA AFYA ZAIMARIKA IRINGA

Posted on: October 14th, 2023

Mstahiki Meya wa Halmashauri ya Manispaa ya Iringa, Mheshimiwa Ibrahim Ngwada amejivunia kuongezeka kwa zahanati na vituo vya afya ndani ya Halmashauri.

Mstahiki Meya, ameyasema hayo kwenye mkutano wa Madiwani uliofanyika katika Kata ya Mlandege inayoongozwa na Diwani Mhe. Jackson Abraham Chaula.

“Kwa sasa Halmashauri tuna vituo vya afya vinne (4), na zahanati tatu (3), pia huduma za X-ray pamoja na CT-Scan kwa sasa zinapatikana hapa hapa Iringa katika hospitali yetu ya Mkoa. Vile vile, tuna kiwanda cha vifaa bandia vya binadamu, hivyo hatuna haja ya kwenda Muhimbili, au Benjamini kwa huduma hizi”. Amesema Ngwada

Vituo vya Afya na Zahanati ndani ya Halmashauri ya Manispaa ya Iringa

Kituo cha Afya Ngome Kata ya Kihesa

Kituo cha Afya Ipogolo Kata ya Ruaha

Kituo cha Afya Mkimbizi Kata ya Mkimbizi

Kituo cha Afya Itamba Kata ya Mkwawa

Zahanati ya Mtalagala ndani Kata Ya Nduli

Zahanati ya Mkoga Kata ya Isakalilo

Zahanati ya Ugele Kata ya Mkimbizi