JESHI LA POLICE LAENDELEA KUIMARISHA HALI YA USALAMA MANISPAA YA IRINGA

Posted on: August 27th, 2018

Kamanda  Mkuu wa Jeshi la Police Mkoa wa Iringa Bw. Juma Bwire amewataka Wananchi Manispaa ya Iringa walioripoti wizi wa mali mbalimbali kufika  kituo cha police ili kuangalia mali zao zilizoibiwa.

Kamanda Bwire ametoa wito huo Ofisini kwakwe baada ya kukamata mali hizo katika maeneo tofauti tofauti ya mkoa wa iringa na kuwataka wananchi  wawe wanatoa taarifa kwenye vyombo vya sheria pindi wanapopatwa na matatizo ya wizi katika makazi yao na sio kukaa kimya.

Kamanda Bwire amewatoa hofu wananchi wa mkoa wa iringa juu ya hali ya usalama ipo vizuri na wanaendelea na kazi ya kuhakikisha hakutokei hali yoyote ya uvunjifu wa amani.