KAMATI YA UCHUMI,AFYA,NA ELIMU YAKAGUA MIRADI YA MAENDELEO, MANISPAA YA IRINGA

Posted on: April 19th, 2018

Kamati ya Uchum, Afya na Elimu ya Manispaa ya Iringa inayoongozwa na Diwani wa kata ya Makorongoni Mheshimiwa Raphael Ngullo imewapongeza wataalamu wa Manispaa ya Iringa na watendaji  kwa kusimamia miradi ya maendeleo inayotekelezwa katika Manispaa kwani miradi mingi iliyokaguliwa na kamati hiyo imeonyesha mafanikio na ubora wa kazi.

Mheshimiwa Ngullo amesema wadau wote muhimu wanaoshiriki katika miradi ya maendeleo watambulike kwa kuwaandikia barua ya shukrani ili kutambua mchango wao katika Manispaa.

Aidha, Kamati imewataka wataalamu pale mradi unapokamilika wananchi wataarifiwe na washirikishwe ili kuweza kuleta utawala bora kwa Manispaa.

Kamati ya Uchumu, Afya na Elimu imetembelea, mabweni ya shule ya sekondari ya Iringa wasichana, kutembelea vyumba vya madarasa shule ya Sekondari Kihesa, kutembelea soko la ngome, kutembelea ujenzi wa Ofisi ya Kata Mtwivila,Kutembelea maabara shule ya sekondari Mkwawa na kutembelea ofisi ya Ustawi wa Jamii inayojengwa katika Ofisi za Manispaa.

Baada ya ziara hiyo kamati imetaka takwimu za fedha za matumizi katika baadhi ya miradi ya maendeleo ili kuweka uwazi wa matumizi wa fedha katika miradi hiyo.