MADIWANI MANISPAA YA IRINGA WAGAWA ZAWADI ZILIZOTOLEWA KATIKA MAADHIMISHO YA SIKU YA WANAWAKE DUNIANI

Posted on: March 13th, 2021

Idara ya Maendeleo ya jamii  kwa kushirikiana na waheshimiwa Madiwani wa Manispaa  pamoja na Kamati ya UWT Wilaya ya Iringa Manispaa wametembelea vituo vya kulelea watoto wanaoishi katika mazingira magumu kwa lengo la kugawa zawadi zilizotolewa katika maadhimisho ya Siku ya  wanawake Duniani yaliyofanyika tarehe 8/3/2021 Katika viwanja  vya Mwembetogwa

Zawadi zilizotolewa  katika vituo hivyo ni pamoja na Sukari, Sembe, sabuni, Madaftari, Kalamu, Pipi na Biskuti ambapo zimegawiwa Katika Kanda ambazo ni Kanda ya Kihesa  Mkwawa  na Ruaha

Vituo vilivyopewa  zawadi  ni pamoja na  Daily bread Kata ya Mkimbizi, Faraja House- Mgongo -Nduli, Shule ya Msingi sabasaba  kata ya Gangilonga, Konsolata sisters kata ya Gangilonga,  Huruma centre-Donbosco kata ya Mwangata, Kituo cha Amani - Kitwiru, Kituo cha Dhinurein kata ya Makorongoni na  Shule ya Msingi Ipogolo kata ya Ruaha

Walezi wa vituo hivyo wamewashukuru Wanawake wa Manispaa kwa kuwajali na kuwathamini na kuwaonesha upendo mkubwa kwa kuwapa zawadi hizo nzuri na wanamuomba Mwenyezi Mungu azidi kuwabariki.