MANISPAA YA IRINGA IMEPOKEA MAKABATI 11 NA BASKELI 11

Posted on: February 1st, 2018

Maafisa Maendeleo wa Manispaa ya Iringa wamepokea Baskeli kumi na moja zenye thamani ya shilingi 1,350,000/= na Makabati kumi na moja yenye thamani ya shilingi 4,950,000/= zilizotolewa na Shirika la John Snow Inc. (JSI) kwa kushirikiana na Shirika la World Education Inc (WEI) chini ya makubaliana ya Serikali ya Jamhuri ya Muungano wa Tanzania na Serikali ya Marekani kupitia msaada wa watu wa Marekani (USAID).

Vitendea kazi hivyo vimetolewa katika Kata kumi na moja zilizopo Manispaa ya Iringa ambazo ni Igumbilo, Ruaha, Kitwiru, Isakakilo, Mwangata, Mtwivila, Kihesa, Mlandege, Mkimbizi, Kwakilosa na Mkwawa chini ya Mratibu kutoka JSI Upendo Kibasa

Lengo la kutolewa vitendea kazi hivyo kwa Maafisa Maendeleo ya Jamii ni kuimarisha mfumo wa utoaji huduma ya Afya na Ustawi wa Jamii katika Kata kumi na moja zilizopo katika Halmashauri ya Manispaa ya Iringa hasa kwa wasimamizi wa Kesi za Watoto ngazi ya Jamii.

Maafisa Maendeleo ya Jamii wa Manispaa ya Iringa wameshukuru na kupokea vitendea kazi hivyo na kuahidi kufanya kazi kwa ushirikianao na mashirika hayo .