MANISPAA YA IRINGA YANG'ARA UPATAJI WA HATI SAFI

Posted on: June 18th, 2022

"Ninapongeza Halmashauri ya Manispaa ya Iringa kwa kupata Hati safi kwani naamini mmefanya kazi vyema na mmestahili zawadi hii"

Hayo ameyasema Mkuu wa Mkoa wa Iringa Mhe. Queen Sendiga  katika Baraza Maalum la Madiwani la kupitia utekelezaji wa hoja na mapendekezo ya Mdhibiti na Mkaguzi Mkuu wa Hesabu za Serikali zinazoishia mwezi Juni. 30 Mwaka huu.

Aidha Mhe. Queen Sendiga amemtaka Mkurugenzi kuchukua hatua stahiki kwa mtumishi yoyote atakayesababisha kutokea kwa hoja zisizo na msingi.

Pia amewahimiza wajumbe wote waliofika katika kikao hicho kujitokeza kuchanja chanjo ya Covid lakini pia kuwa mabalozi wa kuhimiza kupinga ukatili wa kijinsia na ulawiti hasa kwa watoto.

Kwa upande wake Katibu tawala wa Mkoa wa Iringa Ndugu.Hqppiness Seneda akamtaka Mkurugenzi kuhakikisha wanasimamia vyema viporo vya miradi iliyobaki kwa kuzingatia muda uliopangwa.

"Nikushukuru kwa yote uliyoyasema na kuwaagiza na  ninaahidi kuyafanyia kazi ipasavyo na taarifa ya utekelezaji itawasilishwa kwako"  amesema Mhe. Ngwada Mstahiki Meya wa Manispaa ya Iringa baada ya hotuba ya Mkuu wa Mkoa.

Gerald Mwamuhamila, Kaimu Mkurugenzi wa Manispaa ya Iringa ameshukuru kwa ujio wa viongozi hao na kuwaomba kuzidi kushirikiana kwa kila jambo na pale wanapoteleza wasichoke kuwarekebisha.