MANISPAA YA IRINGA YAPOKEA MAPIPA 40 YA KUWEKEA TAKA

Posted on: December 6th, 2017

Mstahiki Meya wa Manispaa ya Iringa, Mkurugenzi wa Manispaa ya Iringa pamoja na Maafisa Afya  wamepokea  jumla ya Mapipa 40 ya kuwekea taka yenye thamani ya shilingi 850,000/= kutoka  katika kampuni ya Zanzibar na  Nyihita CO LTD inayojishughulisha na utoaji  wa Mikopo kwa wajasiriamali wadogo  katika Manispaa ya Iringa.

Mapipa hayo kutoka katika kampuni ya Zanzibar na Nyihita  yatawekwa  katika maeneo ya Stendi na  pembezoni mwa  Barabara zinazozunguka mji wetu wa Iringa ili kuweza kuhakisha  Mazingira yetu yanakuwa safi muda wote.

Aidha Mh. Alex Kimbe ameishukuru  kampuni hiyo na huahidi   kutunza mapipa hayo na kutoa Elimu kwa Wananchi kutunza na kutumia  kwa uangalifu zaidi ili Manispaa yetu ya Iringa iendelee kuwa kinara wa usafi wa mazingira.

Mbali na hayo Mwigeleza Japhet Ismail  ambae ni Afisa Masoko wa  kampuni hiyo ameitaka Manispaa ya Iringa kufanya  kazi kwa pamoja kwa kuendeleza usafi katika Mji wa Iringa kwani ni moja ya mipango ya kampuni yao.