MANISPAA YA IRINGA YATIA FOLA MAPOKEZI YA RAIS SAMIA

Posted on: August 11th, 2022

Rais wa Jamhuri ya Muungano wa Tanzania Mhe. Samia Suluhu Hassan amepokelewa kwa shangwe na vifijo na wanachi wa Manispaa ya Iringa huku wakiwa na shauku ya kutaka kumsikiliza.

Mapokezi hayo ya aina yake yamedhihirika katika maeneo ya Kitwiru,ipogolo,samora,posta mpaka Ikulu ndogo iliyopo kata ya Gangilonga ambapo  wananchi wamejitokeza kwa wingi pembezoni mwa barabara kuu ya kutoka samora kuelekea Dodoma walionyesha furaha yao kwa kuimba na kucheza  

Mara baada ya kuwasili Iringa Mjini Mhe Rais Samia  Suluhu alielekea Ikulu ndogo kuzungumza na wazee na makundi maalum.

• Aidha mhe. Rais ameendelea na ziara yake Mkoani Iringa akitokea Mkoa wa Njombe kwa lengo la kukagua miradi mbalimbali ya maendeleo inayotekelezwa kutokana na fedha za Serikali ya awamu ya sita huku akitoa maelekezo mbalimbali na kuongea na wananchi.

Ziara ya Mhe.Rais Mkoani Iringa imeanza tarehe 11 na itamalizika Agosti 13 mwaka huu ambapo atapata fursa ya kutembelea,kukagua miradi na kuongea na wanachi katika wilaya  zilizopo Mkoani humo.