MENEJIMENTI MANISPAA YA IRINGA YAJIPANGA KUMALIZA CHANGAMOTO ZA UJENZI WA MIRADI YA MAENDELEO

Posted on: August 12th, 2021

Timu ya Menejiment (CMT) Halmashauri ya Manispaa ya Iringa imejipanga kumaliza changamoto katika ujenzi wa miradi mbalimbali ya maendeleo inayoendelea kutekelezwa kwa robo ya nne mwaka wa fedha 2020/2021

Sambamba na hilo timu  hiyo ya wataalamu leo Agosti 12 imetembelea na kukagua miradi kadhaa ya maendeleo na kutazama mwenendo na maendeleo ya miradi hiyo huku wakizichukua changamoto zilizopo na kuzitolea utatuzi ili kuhakikisha miradi hiyo inakamilika kwa wakati na kuwanufaisha wananchi

Akizungumza kwenye ziara hiyo Kaimu Mkurugenzi Manispaa Ndg. Charles Mwakalila ambaye ni Afisa Elimu Msingi ametoa rai kwa wasimamizi  kuzingatia muda wa utekelezaji miradi hiyo pamoja na ubora wa miradi uendane na thamani ya fedha zilizotolewa

Aidha miradi iliyotembelewa ni miradi ya  afya pamoja na elimu, ambayo ni  Mradi wa ujenzi wa zahanati ya Mtalagala,ujenzi wa bweni sekondari ya Mawelewele.ujenzi wa maabara sekondari ya Mivinjen,ujenzi wa maabara sekondari ya Kwakilosa,ujenzi wa madarasa 2 shule ya msingi JJ Mungai na mingine.