MH. MEYA WA MANISPAA YA IRINGA AANZA KAZI KWA KUKAGUA VYUMBA VYA MADARASA

Posted on: December 28th, 2020

Mhe. Meya wa Manispaa ya Iringa Ibrahim Ngwada amefanya ziara ya siku mbili  tarehe 28 na 29/12/2020 kutembelea na kukagua majengo ya shule za sekondari zilizopo Manispaa ya Iringa kwa lengo la kujionea maendeleo ya utekelezwaji wa miradi hiyo

Mh.Ngwada amefikia hatua hiyo ikiwa zimebaki siku chache   shule zifunguliwe hivyo alitaka kuona hali halisi katika ujenzi wa madarasa na kujipima iwapo Halmashauri itafikia malengo kusudiwa ya  kutumika kuanzia januari 11 mwaka huu na wanafunzi waliochaguliwa kujiunga na masomo kidato cha kwanza mwaka 2021

Mh.Ngwada akiongozana na  Mkurugenzi wa Manispaa ya Iringa  ndugu Hamid Njovu wamekagua miradi ya shule ya sekondari ya Nduli,Kihesa,Mtwiva, Mkwawa,Isakalilo,Ipogolp,Igumbilo na kuridhishwa na hali ya ujenzi wa vyumba hivyo.pia ameshauri kasi iongezeke kwani muda uliobaki ni mchache.