MEYA WA MANISPAA YA IRINGA AKABIDHI KITITA CHA SHILINGI 1,500,000/= KWA TIMU YA MPIRA WA MIGUU YA IRINGA UNITED

Posted on: January 4th, 2021

Meya wa Manispaa ya Iringa Mhe. Ibrahim Ngwada amekabidhi Tsh 1,500,000/= kwa timu ya  Iringa united ili ziweze kusaidia katika mechi yake dhidi ya timu ya Ihefu ya Mbeya inayotarajiwa kufanyika kesho tarehe 5/1/2021 Jijini Mbeya

Makabidhiano hayo yamefanyika ikiwa ni siku tatu tu kupita ambapo Mh.Ngwada alikabidhi jumla ya Tsh 3,000.000 kwa timu ya Lipuli iliyokuwa ikienda kucheza mechi Jijini Dar es Salaam dhidi ya timu ya Kinondoni Municipal Council

Mh.Ngwada ametoa rai kwa wananchi na wadau mbalimbali wa michezo katika Mkoa wa Iringa kujitokeza na kuungana kuzisaidia timu zilizopo Mkoani hapa kwa hali na mali ili ziweze  kufanya vizuri na kupanda daraja

Kwa upande wake Mbunge wa Iringa Mjini Jesca Msambatavangu ameahidi kusimamia uboreshwaji wa viwanja mbalimbali vya michezo ndani ya Manispaa hasa katika shule za msingi na Sekondari kama sehemu itakayokuza vipaji vya watoto kuzielekea ndoto zao za kimichezo huku akiwatakia heri timu ya Iringa united katika mchezo wake wa kesho

Enock Sitaki ni katibu wa timu hiyo amemshukuru Mhe.Meya kwa moyo wake wa kuisaidia timu na kuwaomba wadau wengine kufanya hivyo kwani kunaleta hamasa ya kufanya vizuri katika mashindano.