MKURUGENZI AKABIDHI PIKIPIKI KUMI NA SITA KWA MAAFISA ELIMU KATA MANISPAA YA IRINGA.

Posted on: October 10th, 2018

Mkurugenzi wa Manispaa ya Iringa Ndugu Hamid Njovu amekabidhi pikipiki 16 kwa maafisa elimu Kata wa Kata kumi na sita za kielimu zilizopo katika Halmashauri ya Manispaa ya Iringa.

Akikabidhi pikipiki hizo zilizotolewa kwa ufadhili wa TAMISEMI kupitia mradi wa LANES, mkurugenzi huyo amesema lengo ni kuwawezesha maafisa elimu kata kufuatilia na kusimamia taaluma shuleni na hasa kuhakikisha watoto wanajua kusoma, kuandika na kuhesabu.

Aidha Ndugu Hamid Njovu amewataka Maafisa Elimu hao kuzitumia pikipiki hizo kwa matumizi sahihi ili kuhakikisha zinaleta matokeo chanya katika elimu ndani ya Manispaa ya Iringa na kuchochea ufanisi na ufaulu kwa wanafunzi wa Shule zote za Halmashauri ya Manispaa ya Iringa.

Kata zilizopata pikipiki hizo ni Kitwiru, Ruaha, Igumbilo, Isakalilo, Mlandege, Mwangata, Kwakilosa, Mshindo, Makorongoni, Ilala, Mkwawa, Gangilonga, Kihesa, Mtwivila, Mkimbizi pamoja na Nduli.