Mkurugenzi wa Manispaa ya Iringa Ndg. Hamid Njovu awataka Vijana kujiajiri zaidi kwa Maendeleo yao Binafsi

Posted on: October 23rd, 2020

Mkurugenzi wa Halmashauri ya Manispaa ya Iringa Ndg. Hamid Njovu amewataka Maafisa Maendeleo ya Jamii kuunda majukwaa ya vijana pamoja na wasemaji ili kurahisisha utolewaji wa mikopo kutoka serikalini.

Ndg. Njovu ameyasema hayo hii leo katika ukumbi wa walfare wakati akizungumza na vijana kutoka kata 18 zilizopo Manispaa ya Iringa, amesema vijana wanatakiwa kufanya shughuli mbalimbali za ujasiriamali ili kujiletea maendeleo binafsi.

Ndg. Njovu amewataka pia vijana hao kushiriki katika uchaguzi mkuu wa taifa utakaofanyika October 28, 2020 kwa kuwachagua viongozi bora watakao wasaidia kufanikisha ndoto zao.

“natamani kuona vijana na wanawake   mnashiriki katika uchaguzi mkuu kwa kuchagua viongozi waleta maendeleo ili ifikapo 2025 muwe na mabadiliko makubwa ya kiuchumi” Njovu amesema hayo akihitimisha kikao hicho.