MKUU WA MKOA WA IRINGA MHESHIMIWA ALLY HAPI AMETOA MUDA WA SIKU SABA (7) KWA KAMPUNI YA UJENZI YA HOME AFRICA KUKAMILISHA UJENZI, SOKO LA MLANDEGE

Posted on: October 24th, 2019

Mkuu wa Mkoa wa Iringa Mheshimiwa Ally Hapi ametoa muda wa siku saba (7) kwa kampuni ya ujenzi ya Home Africa Investment Corporation kukamilisha na kukabidhi  kwa Manispaa ya Iringa  mradi wa Soko la kisasa la Mlandege linalojengwa katika kata ya Mlandege, Manispaa ya Iringa

Mheshimiwa Hapi ametoa agizo hilo katika ziara yake ya kukagua maendeleo ya mradi huo ambapo aliitaka  kampuni ya home Africa kuzingatia muda wa mkataba na kukamilisha Soko hilo ili kufungua milango ya Kiuchumi na biashara  kwa  wakazi wa Manispaa ya Iringa

Aidha ziara hiyo ilihudhuriwa na  viongozi mbalimbali wakiwemo Mkurugenzi wa Manispaa ya Iringa Ndugu Hamid Njovu ,  Mkuu wa Wilaya ya Iringa Mheshimiwa Richard Kasesela pamoja na Kamati ya ulinzi na usalama ya Mkoa.