MSTAHIKI MEYA MANISPAA YA IRINGA AKABIDHI MATAIRI 6 MAPYA YA GREDA : ATAKA BARABARA ZICHONGWE*

Posted on: October 22nd, 2021

Mstahiki Meya wa Manispaa ya Iringa, Mhe. Ibrahim Ngwada amekabidhi Matairi 6 ya Greda (kijiko) yenye thamani ya zaidi ya milioni 16 kwa Mkurugenzi wa Manispaa ikiwa mchango wa wadau katika kuleta maendeleo

Matairi hayo ameyakabidhi leo Septemba 21, 2021 akiwa ameambatana na baadhi ya waheshimiwa Madiwani na waandishi wa Habari

Katika mazungumzo yake Mhe. Ngwada amesema, mchango huo  umetoka kwa wadau mbalimbali kwa dhumuni la kurahisisha na kuboresha miundombinu na mazingira safi ndani ya Manispaa ya Iringa

"Sambamba na kukabidhi matairi haya pia tumefanya jitihada za kutafuta mafuta lita 5000 ambazo nazo tunaamini zitawasaidia mara baada ya matengenezo ya Greda hilo" Mhe. Ngwada aliongezea

Aidha Mstahiki Meya amemtaka Mkurugenzi kwenda kusimamia vyema shughuli zote za greda hilo mara baada ya kufungwa kwa matairi hayo mapya

Naye Mkurugenzi wa Manispaa ya Iringa Ndg. Limbe B.M.Limbe  akiwa ameambatana na baadhi ya wakuu wa Idara na Vitengo wa Manispaa amemshukuru Mstahiki Meya kwa Mchango huo huku akiahidi kwenda kusimamia vizuri utekelezaji wa shughuli zote za greda hilo ikiwemo matengenezo ya barabara, utunzaji na mpangilio wa dampo

Akizungumza kwa niaba ya Madiwani Mhe. Eliudi Mvela  Diwani wa kata ya Mkimbizi  amepongeza jitihada za Mstahiki Meya na amesema wao kama Madiwani watahakikisha wanamuunga mkono katika kila hatua ya kimaendeleo atakayoifanya kwa wananchi

"Tunaimani na uongozi wa Mhe.Ngwada na sisi kwa umoja wetu, tunaahidi kuwatumikia wananchi waliotuamini na kutuchagua katika kuhakikisha tunaleta maendeleo ndani ya Manispaa yetu" Mhe. Mvela alimalizia kwa kusema hayo.