RC HAPI AFURAHISHWA NA MABANDA YA MAONESHO YA NANENANE YA MANISPAA YA IRINGA

Posted on: August 7th, 2020

Mkuu wa Mkoa wa Iringa Mh.Ally Hapi leo ametembelea banda la Halmashauri ya Manispaa ya Iringa katika maonesho ya nane nane yanayoendelea kwenye viwanja vya John Mwakangale Jijini Mbeya.

Katika ziara hiyo mh.Hapi ameongozana na wakuu wa wilaya mh.Jamhuri William mkuu wa Wilaya ya Mufindi,mh.Asia Abdalah mkuu wa Wilaya ya kilolo pamoja na  mh.Richard Kasesela mkuu wa Wilaya ya Iringa.

Mh.Hapi amefurahishwa na bidhaa zilizopo ndani ya banda hilo pamoja na elimu inayotolewa kwa wananchi  kuhusiana na kilimo,mifugo,uvuvi na ujasiriamali.

Mh.Hapi amempongeza mkuu wa wilaya,Mkurugenzi ,pamoja na viongozi wote waliofanikisha maonesho haya kufana na kuwataka kujipanga zaidi katika maonesho ya mwaka 2021 ili kuhakikisha wanapata ushindi mkubwa zaidi.

Maonesho ya nane nane yalianza tarehe 1/8/2020 na kilele chake ni tarehe 8/8 mwaka huu chini ya kauli mbiu ,kwa maendeleo ya kilimo,mifugo na uvuvi chagua viongozi bora 2020.