WANAMSHINDO WANUFAIKA NA DIWANI

Posted on: October 16th, 2023

Mstahiki Meya wa Halmashauri ya Manispaa ya Iringa na Diwani wa Kata ya Mshindo Mhe. Ibrahim Ngwada amewanufaisha wananchi wa Mshindo  kwa kuunga mkono vikundi mbalimbali vilivyopo katika Kata hiyo tarehe 16/11/2023.

Katika mkutano huo uliofanyika Kata ya Mshindo Mhe. Ngwada amesema alihakikisha mkopo huu unakwenda kuwanufaisha wanamshindo.

“Tulitoa Tsh. Milioni 5 kwa Maendeleo Group, Tsh. Milioni 2 kwa Mshikamano Group, na Tsh. 1 Milioni kwa Kikundi cha Walemavu, lakini pia tulitoa Tsh. Milioni 5 kwaajili ya Mafundi wa Kuchomelea, Tsh. Milioni 5 kwa Amani Group, Pikipiki 7 kwa Kikundi cha Vijana Nguvu Kazi, Tsh. Milioni 6 kwa Imani Group, na Tsh. Milioni 6 kwa Vijana Mshindo na kukamilisha Tsh. Milioni 66,278,000”

Aidha Mhe. Ngwada ameongeza kwa kusema Ujenzi wa Ofisi ya Kata na Chama cha Mapinduzi Kata ya Mshindo utakuwa umekamilika ndani ya miezi 2.