WATENDAJI WA MITAA NA KATA WATAKIWA KUBUNI MIKAKATI YA UKUSANYAJI WA FEDHA KWA AJILI YA UJENZI WA OFISI YA KATA

Posted on: August 29th, 2018

Mwemyekiti wa Kamati ya   Fedha na Uongozi  Mh Allex Kimbe amewataka watendaji wa Kata na Mitaa waliopo kata ya Ruaha kubuni Mikakati ya ukusanyaji wa fedha kwa ajili ya ujenzi wa Ofisi ya Kata.

Mh Kimbe ametoa agizo hilo katika ziara ya kukagua ya kukagua miradi mbalimbali ya maendeleo Manispaa ya Iringa  inayotekelezwa  kwa mwaka wa fedha  2018/2019.

Aidha  lengo la ziara ni kukagua utekelezaji wa miradi ya maendeleo ili kuona maendeleo yake, kushauri, kurekebisha na kupongeza utekelezaji huo ambapo miiradi mbalimbali ilitembelewa ikiwemo ujenzi wa  vyoo Shule ya Msingi Mapinduzi, Ujenzi wa matundu ya vyoo Shule ya Msingi Azimio, Ukarabati wa Ofisi ya Kata Kitanzini, Ukarabati wa Ofisi ya Kata Mshindo, Ujenzi wa Soko jipya la Mlandege, Ujenzi wa Madarasa,Mabweni na matundu ya vyoo Shule ya Msingi Ipogolo  pamoja na Ujenzi wa Darasa Shule ya Msingi Igumbilo.

Pia amezitaka kamati zote ziwe na utaratibu wa kuwa wanatembelea miradi na kujua changamoto ili iwe rahisi wakati wa kufanya ziara za kukagua.