Idara ya Elimu Sekondari ni moja kati ya idara 13 na vitengo 06 vinavyounda Halmashauri ya Manispaa ya Iringa.
IDADI YA WATUMISHI
Idara ya Elimu Sekondari ina jumla ya watumishi 732, wakiwemo :- Maafisa ngazi ya Halmashauri 03, Wakuu wa Shule 14, Walimu 667 na Watumishi wasio walimu 31
IDADI YA SHULE ZA SEKONDARI NA WANAFUNZI
Halmashauri ya Manispaa ya Iringa ina jumla ya shule za sekondari 29 zikiwemo za Serikali 14 na zisizo za Serikali 15. Idadi ya wanafunzi wa shule za Serikali ni 9622 wakiwemo wavulana 3925 na wasichana 5697.
MAJUKUMU YA IDARA
Kufafanua na kusimamia utekelezaji wa Sera ya Elimu na mafunzo ya ufundi, sheria na kanuni zinazoongoza utoaji wa elimu ya sekondari.
Kufanya ufuatiliaji wa Mtaala katika tendo zima la ufudishaji na ujifunzaji wa walimu na wanafunzi.
Kuandaa mpango wa likizo wa walimu na watumishi wengine wa ngazi ya elimu ya sekondari katika Halmashauri.
Kuratibu na kusimamia mitihani ya Taifa ya kidato cha II, IV na cha VI inayoendeshwa kwa shule za sekondari katika Halmashauri.
Kusimamia na kudhibiti akaunti ya elimu ya sekondari na kuhakikisha kuwa fedha za elimu ya sekondari zinatumika kama ilivyokusudiwa. Pia kugagua na kuhakiki hundi zote zinazoletwa kutoka shule za sekondari za serikali na kupitisha kwa ajili ya kufanyiwa malipo.
Kufanya tathimini ya matokeo ya mitihani ya Taifa ya kidato cha II, IV, na VI na maendeleo ya elimu ya sekondari katika Halmashauri.
Kufanya ufuatiliaji na kuboresha mazingira ya kufundishia na kujifunzia pamoja na kupanda miti ya kivuli na maua.
Kuhimiza udhibiti wa nidhamu ya walimu na wanafunzi wa shule za sekondari katika Halmashauri.
Kufuatilia utekelezaji wa taarifa za ukaguzi wa shule za sekondari kutoka Ofisi ya mdhibiti wa ubora wa elimu ya sekondari Kanda ya Nyanda za Juu Kusini.
Kuratibu na kusimamia michezo katika shule za sekondari (UMISSETA)
Kuratibu, kukusanya na kuchambua takwimu za shule za sekondari (TSS) na kujaza kwenye mfumo wa takwimu wa kitaifa.
Kuratibu ujazaji wa selfom za machaguo ya wanafunzi wa kidato cha nne kwenye mfumo.
Kuandaa mpango wa mafunzo kazini kwa walimu na watumishi wengine wa Idara ya Elimu Sekondari.
Kusimamia na kufuatilia ujenzi na ukarabati wa madarasa, Maabara , Nyumba za walimu, majengo ya utawala na matundu ya vyoo.
Kuhakikisha kuwa walimu na watumishi wengine wa shule za sekondari wanafanyiwa tathimini ya wazi ya utendaji kazi (Open Performance Review and Appraisal System -OPRAS).
Kukusanya, kuchanganua, kutuma na kutoa takwimu sahihi za elimu ya sekondari katika Halmashauri.
Kufanya makisio ya mahitaji ya walimu kimadaraja na kimasomo.
Kuhakikisha nyaraka, miongozo na maagizo yanayotolewa ngazi ya juu yanapelekwa shuleni kwa wakati.
Kufuatilia mapato na matumizi ya fedha za elimu bila malipo katika shule za sekondari za serikali.
Kuandaa taarifa ya utekekelezaji na taarifa ya mapato na matumizi kwa kila robo na kutuma Ofisi ya Katibu Tawala Mkoa na Ofisi ya Rais TAMISEMI.
MAFANIKIO KATIKA IDARA
Idara ya Elimu Sekondari imefanikiwa kuongeza ufaulu wa wanafunzi katika mitihani ya kitaifa;
mfano:- kidato cha pili ufaulu umeongezeka kutoka asilimia 76.53 mwaka 2014 hadi 96.36 mwaka 2016,kidato cha nne kutoka asilimia 75.32 had 90.13 na kidato cha sita ufaulu umeendelea kuwa asilimia 99.13.
Idara imefanikiwa kutengeneza viti 10049 na meza 9985 kwa ajili ya wanafunzi.
Idara imefanikiwa kujenga miundombinu mbalimbali ya shule, ikiwemo maabara zilizokamilika 18, madarasa 246, nyumba za walimu 31, majengo ya utawala 5 na matundu ya vyoo 318.
MPANGO MIKAKATI YA UBORESHAJI ELIMU/TAALUMA
Kuongeza ufaulu wa wanafunzi wa mitihani ya kidato cha nne na kufikia asilimia 95
Kuendelea kujenga vyumba vya madarasa 20 katika shule za sekondari zilizopo na kufanya yafikie 266
Kukamilisha ujenzi wa mabweni mawili katika shule ya sekondari Tagamenda na Mawelewele.
Kuendelea kujenga miundombinu katika shule mpya ya sekondari Mivinjeni
Kukamilisha ujenzi wa maabara 24 katika shule za sekondari.
