Idara ya Utawala na Rasilimali Watu ni moja kati ya Idara 13 na vitendo 6 vinavyounda Halmashauri ya Manispaa ya Iringa. Idara hii inajumla ya sehemu nne ambazo ni Utawala, Usafirishaji, Mikuitano na Masijala pia idara hii ina watumishi 299.
MAJUKUMU YA IDARA
Kutoa Tafsiri ya sera za Halmashauri kwa watumishi
Kuhakikisha watumishi wanafanyakazi kwa kuzingatia sheria, kanuni na taratibu za Utumishi wa Umma.
Kusimamia nidhamu ya watumishi katika Halmashauri ili waweze kutoa huduma bora kwa jamii kwa kuzingatia kanuni na taratibu za Utumishi wa Umma.
Kushughulikia na kutoa ufafanuzi wa malalamiko ya wananchi.
Kuhakikisha kunakuwepo na mahusiano bora kazini kati ya watumishi wa Halmashauri, wasimamizi na wadau mbalimbali.
Kufanikisha zoezi la upimaji wa vigezo kupata ruzuku ya maendeleo kwa vigezo vinavyohusu Idara ya Utawala na Utumishi.
Kufanya makisio ya mishahara ya watumishi wa Halmashauri na kuwasilisha Hazina.
Kuratibu likizo za watumishi na kusimamia maslahi yao.
Kuhakikisha kuwa watumishi wapya wanaingizwa kwenye orodha ya mishahara kwa wakati.
Kuhakikisha kuwa watumishi walioacha kazi, waliokufa, waliohama na
waliostaafu wanaoendolewa katika orodha ya malipo ya mishahara kwa wakati.
MAFANIKIO YA IDARA
Idara imefanikiwa kutoa huduma bora kwa wananchi na kwa uwazi.
Idara imefanikiwa kuboresha mazingira ya kazi, kwa kukarabati Ofisi za Halmashauri na kupatikana kwa vitendea kazi kwa wakati.
Idara imewezesha watumishi kupata fursa mbalimbali za mafunzo ya muda mrefu na mfupi.
Idara imefanikiwa kuwezesha wastaafu kulipwa mafao yao ya kustaafu kwa wakati, hii ni pamoja na kulipa gharama za likizo za kustaafu na usafirishaji wa mizigo.
Idara imefanikiwa kutoa motisha kwa wafanyakazi bora kila ifikapo mwezi Mei kila mwaka.
MPANGO MKAKATI WA IDARA
Idara inatarajia kuziba nafasi 149 zilizo wazi pindi vibali vya ajira vya mwaka wa fedha 2016/2017na 2017/2018 vitakapoidhinishwa.
Idara inatarajia kuendelea kutoa huduma bora kwa wananchi wa Manispaa ya Iringa kuanzia ngazi ya Mtaa hadi Halmashauri.
Idara inatarajia kuboresha zaidi mazingira ya kazi kwa watumishi wake ikiwa ni pamoja na kuboresha miundo mbinu iliyopo kwa kufanya ukarabati katika ofisi na kuwepo kwa vitendea kazi kwa wakati.
