Mipango Takwimu na Ufuatiliaji

UTANGULIZI

Idara ya Mipango Takwimu na Ufuatiliaji ni moja kati ya idara 13 zilizopo Halmashauri ya Manispaa ya Iringa. Idara hii ina jumla ya watumishi 6 kama wanavyoonekana hapa chini;

MAJUKUMU YA IDARA YA MIPANGO TAKWIMU NA UFUATILIAJI

Idara hii ina majukumu mbalimbali lakini majukumu ya msingi ni kama

yanavyooneshwa hapa chini;

• Kuratibu uandaaji na uibuaji wa  Mipango kwa njia ya fursa na vikwazo (O&OD) kuanzia ngazi ya jamii, mitaa, vijiji, kata na Manispaa
• Kuratibu uandaaji wa Mpango na bajeti (kufanya upembuzi yakinifu kwa wataalamu wote juu ya miradi iliyotoka ngazi ya kata) pamoja na kuhakikisha mpango unaandaliwa kwa mfumo wa PLANREP na unawasilishwa ngazi husika kwa wakati.
• Kutafsiri kwa lugha rahisi Mpango na Bajeti pamoja na miradi yote inayotarajiwa kufanyika.
• Kuandaa taarifa za Utekelezaji wa miradi ya maendeleo kila  robo na kuziwasilisha  Hazina (Progress report, CDR ) na zile zinazoingia katika vikao vya fedha na Uongozi
• Kuandaa Mpango kazi na mpango wa mapokezi ya fedha wa halmashauri kwa kila mwaka .
• Kuratibu maandalizi ya taarifa za Laac
• Kuratibu maandalizi ya taarifa za kamati za ushauri za wilaya (DCC) na Mkoa(RCC)
• Kuratibu vikao na shughuli zote za  mfuko wa Jimbo
• Kuandaa maandiko mbalimbali kwa ajili ya kutafuta wawekezaji.
• Kuratibu maandalizi ya kaguzi mbalimbali(mfano, benki ya Dunia )
• Kupitisha na kusimamia Matumizi ya fedha za maendeleo za kata
• Kusimamia maandalizi ya Taarifa za Ilani ya Uchaguzi

• Kuhuisha taarifa za kiuchumi na kijamii za Halmashauri (Socio – Economic and Investment profile) na pato la wakazi wa Manispaa(GDP)
• Kuratibu zoezi la Kuhesabu watu kitaifa (sensa ya watu na Makazi) muda wa unapofika

MAFANIKIO YA IDARA

• Kuwepo kwa mipango inayowezesha Halmashauri kufanya kazi kwa utaratibu unaokubalika kama taasisi ya Serikali mfano kuwepo kwa mpango Mkakati wa Halmashauri wa miaka mitano (2016/2017 – 2020/2012), Mpango na Bajeti ya Halmashauri 2016/2017 na  rasimu ya mpango na bajeti ya  2017/2018, wasifu wa kiuchumi na kijamii, mpango mkakati wa Halmashauri na mpango wa mapokezi ya fedha kwa ajili ya utekelezaji wa Miradi ya maendeleo
• Kuwepo kwa mfumo wa ufuatiliaji na tathmini ya utekelezaji wa miradi ya maendeleo unafanyika na kutolewa taarifa zake kila robo mwaka na kuziwasilisha ngazi husika kwa wakati taarifa hizo ni (Progress report na CDR)
• Kuwezesha utaratibu wa sensa ya watu na makazi kulingana na muda unaopangwa ambapo taarifa hutolewa kwa wananchi na wadau mbalimbali kwa ajili ya matumizi mbalimbali

    4.0 MATARAJIO YA IDARA

          Idara hii ina mipango na matarajio makuu kama inavyoonekana hapa chini

Wananchi wanawezeshwa kuibua miradi itayoweza kutekelezeka na yenye manufaa kwao na Halmashauri kwa ujumla

Kuhakikisha Halmashari inakuwa na mipango na bajeti na utekelezaji wake unafanyika kulingana na vipaumbele na upatikanaji wa rasilimali

Kusimamia na kufuatilia utekelezaji wa miradi ya maendeleo kwa kushirikiana na Idara zinazotekeleza mradi husika

Halmashauri inakuwa na takwimu sahihi, zilizochambuliwa, kutunzwa na kutolewa kwa wateja mara zinapotakiwa.

Kuandaa maandiko na kuyauza kwa wadau kwa ajili ya utekelezaji wa miradi ya maendeleo

Kuwa na Investment Profile inayoenda na wakati sambamba na Investment menu ya Halmashauri ambapo kila mtu mwenye nia ya kuwekeza atapata taarifa zote na hivyo kupelekea urahisi wa kuwavutia wawekezaji.

    5.0 HITIMISHO

Idara ya Mipango, Takwimu na Ufuatiliaji ni kiungo cha Idara zote katika utekelezaji wa shughuli za kawaida na Miradi ya Maendeleo ya halmashauri, hivyo hufanya kazi kwa ukaribu na Idara zote zilizopo Halmashauri sambamba na wadau wote wanaohusika na idara hizo. Kwa nafasi hii, Ofisi inawakaribisha wadau wote ili kutoa mawazo ya kuboresha huduma zinazotolewa kwa faida ya Halmashauri yetu, mkoa na Taifa kwa ujumla.

                  Naomba kuwasilisha,

IDARA YA MIPANGO TAKWIMU NA UFUATIKLIAJI

MANISPAA YA IRINGA