Halmashauri ya Manispaa ya Iringa ni moja kati ya Halmashauri tano zilizopo katika Mkoa wa Iringa. Manispaa ya Iringa ina eneo la kilometa za mraba 331.4. Manispaa ya Iringa, ipo kati ya nyuzi za latitudo 7o77’ Kusini mwa mstari wa Ikweta na nyuzi za Longitudo 35o69’Mashariki mwa mstari wa Greenwichi. Manispaa ya Iringa inapakana na Wilaya ya Iringa vijijini kwa upande wa Kaskazini, Magharibi, Kusini na Halmashauri ya Wilaya ya Kilolo upande wa Mashariki.
1.4: UTAWALA
Kiutawala, Halmashauri ya Manispaa ya Iringa ina Tarafa 1, Kata 18, Mitaa 192 na Jimbo moja la Uchaguzi wa Mbunge ambalo ni Iringa mjini.
1.5: UONGOZI
Halmashauri ya Manispaa ya Iringa inaundwa na Baraza la Madiwani wa kuchaguliwa 18, Mheshimiwa Mbunge Jimbo la Uchaguzi la Iringa Mjini, Waheshimiwa Wabunge viti maalum 2 na Madiwani wa viti maalum sita (6) Wakuu wa Idara 13,Wakuu wa Vitengo 6 na Mkurugenzi wa Manispaa ambaye ni Katibu wa Halmashauri.
Halmashauri ya Manispaa ya Iringa ina Kamati za kudumu kama ifuatavyo:
Kamati ya Fedha na Uongozi.
Kamati ya Uchumi, Afya na Elimu.
Kamati ya Mipango na Mazingira.
Kamati ya Kudhibiti Ukimwi ya Manispaa
Kamati ya Maadili ya Madiwani
1.6: IDADI YA WATU:
Halmashauri ya Manispaa ya Iringa inajumla ya wakazi wapatao 158,989 (kutokana na maoteo ya Sensa ya watu na makazi ya mwaka 2012). Kati ya wakazi hao75,565ni Wanaume na 83,424 niWanawake. Ina jumla ya Kaya 37,854 ambapo wastani wa ukubwa wa Kaya ni 4.2.
