BARAZA LA MADIWANI LAFANYA ZIARA KUKAGUA MIRADI YA MAENDELEO

Posted on: May 10th, 2023

Baraza la Madiwani la Halmashauri  ya Manispaa ya Iringa limefanya ziara ya kutembelea na kukagua miradi ya maendeleo kwa kipindi cha robo ya tatu kwa mwaka wa fedha 2022/2023   kwa lengo la kuona maendeleo ya miradi hiyo kuona na kutatua changamoto zinazojitokeza wakati wa ujenzi.

Ziara hiyo imefanyika leo tarehe 10 Mei ikiongozwa na Mstahiki Meya wa Manispaa  Mhe.Ibrahim Ngwada ambaye alisisitiza ukamIlishaji wa miradi hiyo kwa wakati ili wananchi waweze kunufaika nayo.

'Naagiza kuanzia tarehe 15/5/2023 mama na baba lishe waanze kutumia eneo la Mgahawa kutoa huduma ya chakula  kwa abiria alisema Ngwada.'

Ngwada ametoa maelekezo hayo kwa Menejimenti ya Halmashauri wakati wa ziara walipokuwa wakikagua Jengo la Utawala stendi ya Igumbilo.

Miradi iliyotembelewa na kukaguliwa ni pamoja na Mendeleo ya stendi ya Igumbilo,ujenzi wa Shule mpya ya Kitwiru, Miundombinu ya vyoo shule ya msingi Igumbilo,  Miundombinu ya Machinga Katika eneo la Mlandege,Miundombinu ya Hospitali ya Frelimo na  miundombinu  ya shule ya msingi Gangilonga na Mapinduzi.

Charles Mwaitege ni Kaimu Mkurugenzi wa Manispaa  amesema amepokea maelekezo yote yaliyotolewa na waheshimiwa Madiwani na kuahidi kuyafanyia kazi.

Ziara hiyo ya siku moja iliwashirikisha Madiwani wa Manispaa pamoja na wakuu  wa Sehemu na vitengo.

Kitengo cha Mawasiliano Serikalini,

Manispaa ya Iringa.