DC- KHERI JAMES AIPONGEZA TEMESA

Posted on: March 21st, 2024

Mkuu wa Wilaya ya Iringa Mhe. Kheri James ametoa salamu za pongezi kwa TEMESA (wakala wa Ufundi na Umeme Tanzania) kwa kazi zuri wanayofanya ya utoaji huduma kwa taasisi na mashirika mbalimbali nchini.

Komredi Kheri alitoa pongezi hizo za salamu wakati akifungua Mkutano wa Wadau wa TEMESA mkoani Iringa katika ukumbi wa Royal Palm siku ya Jumatano tarehe 20-03-2024.

Alipata nafasi ya kutembezwa na kuoneshwa vifaa mbalimbali vya Umeme na Ufundi vinavyofanya kazi kisasa na kivutio kikubwa Zaidi ilikua ni karakana inayotembea(mobile truck) ambayo ndani ina vifaaa vyote vya ufundi vya kuweza kutengeneza magari hadi 8 kwa wakati mmoja.

Aidha aliwataka TEMESA kujitahidi kudhibiti wizi kwenye maeneo yao ya kazi kwa kufunga mitambo ya ulinzi na usalama ili kilinda kuzuia upotevu holela wa mitambo na vifaa vingine, kwa upande mwingine aliwasihi wafanye kazi kwa uwazi ili kuleta ufanisi kazini.

Mwisho kabisa alitoa rai kwa wadau wanaohudumiwa na TEMESA kuacha mara moja kulimbikiza madeni na wahakikishe wanawalipa TEMESA ili iweze kuimarika Zaidi kwa kujitanua na kutoa huduma bora kwa wakati, vinginevo tukizidi kulimbikiza madeni TEMESA itafilisika.