DIWANI WA KATA YA MSHINDO ACHANGIA MILIONI 44 KWAAJILI YA UJENZI WA VYOO

Posted on: October 5th, 2018

Diwani wa kata ya mshindo Mheshimiwa Ibrahim Ngwada amechangia jumla shilingi  million 44 kwa ajili ya uboreshaji wa ujenzi wa vyoo vya kisasa, na  kuchangia baadhi ya vifaa mbalimbali kwa ajili ya kuboresha elimu kwa wanafunzi wa shule ya msingi azimio.

Akihutubia mkutano wa hadhara uliofanyika kwenye kata hiyo diwani huyo amesema lengo lake ni kuboresha sekta zote katika kata hiyo bila kusahau sekta ya elimu, ustawi wa jamii michezo na uchumi.

Katika kuwasilisha  ufadhili wake diwani huyo ametoa sukari kilo 50, unga  kilo300, chaki box 1, pakti 2 za pipi ,taulo za kike box 2, peni 600, penseli boksi 2, daftali 1000, kompasi boksi1 ,cement na pia kuleta wafadhili kudhamini  katika ujenzi huo wa vyoo vya kisasa .

Katika kuboresha sekta ya michezo mheshimiwa Ngwada amechangia michango kwenye timu mbili za mpira wa miguu  ambazo ni timu  ya Mtwaa na timu ya mshindo.  Timu ya Mtwaa wamepata mipira mitatu kwa ajilli ya mazoezi  na timu ya Mshindo waliwapewa mipira mitano na  laki mbili  ishirini na saba  mia nane kwa ajili  ya kukamilisha usajili wa timu hiyo kwa ligi ya mkoa .

Aidha ametoa wito kwa Wananchi kuendelea  kujiunga na vikundi  vidogo vidogo vya kuwainua kiuchumi ili waeweze kufaidika na mkopo mbalimbali inayotolewa na Manispaa ya Iringa