HALMASHAURI YA MANISPAA YA IRINGA YATAKIWA KUBUNI VYANZO VYA MAPATO ILI KUWEZA KUKABILIANA NA HALI YA MAPATO KUSHUKA

Posted on: January 11th, 2018

Mkuu wa Wilaya ya Iringa mh. Richard Kasesela amewaomba  Wataalamu , Madiwani  kwa kushirikiana  na Mbunge  wa jimbo la  Iringa Mjini Mh. Peter Msigwa  kubuni  vyanzo  vipya vya Mapato  ili  kuboresha miundo mbinu na kuendeleza  Miradi ya maendeleo katika jamii.

Mh. Kasesela ametoa wito huo katika kikao cha Kamati ya Ushauri ya Wilaya (DCC) kilichofanyika katika ukumbi wa Manispaa ya Iringa  kwa lengo la kupitisha mpango wa bajeti wa mwaka wa fedha  2018/2019.

Mbali na hayo  Mh. Kasesela amewaomba  Wataalamu wa Manispaa,  Viongozi wa Dini pamoja na  Viongozi wa Kisiasa  kubuni mbinu  mpya ya kutoa Elimu ya Ukimwi kwa Wananchi ili kuweza kupunguza   ongezeko la Maambukizi ya Ukimwi Kimkoa  hasa kwa kutoa Elimu katika Mikutano mbalimbali ya Kisiasa, Makanisani pamoja na Misikitini.

 Kikao hiki cha  Kamati  ya Ushauri  ya Wilaya (DCC)  hufanyika kila mwaka kabla ya kupisha bajeti ya fedha ambapo hutoa Ushauri kwa Manispaa na kuipitisha kabla haijaenda Wizara ya fedha.