HALMASHAURI YAPONGEZWA KUFANYA VIZURI UKUSANYAJI WA MAPATO

Posted on: June 2nd, 2022

Kamati za kudumu za Halmashauti ya Manispaa ya Iringa zimewasilisha taarifa za utendaji kazi kwa Mwaka wa fedha 2021/2022 katika Baraza la wazi la Madiwani lililofanyika juni 2 katika Ukumbi wa mikutano wa Manispaa .

Akizungumza katika Mkutano huo wa Baraza   Mstahiki Meya wa Manispaa ya Iringa Mhe. Ibrahim Ngwada amesema  Manispaa imeendelea na ujenzi wa miradi mbalimbali ya maendeleo kama vile ya Barabara, afya na Elimu, kwa lenngo la  kuwaletea wananchi Maendeleo.

Mhe.Ngwada amesema Mradi wa ujenzi wa barabara ya Tumaini kwenda Igumbilo  unaendelea vizuri na utakapokamilika utapunguza adha ya msongamano wa magari na kurahisisha shuguli za usafirishaji.

Pia ameipongeza Idara ya Fedha na biashara   kwa kufanya vizuri katika ukusanyaji wa mapato na kushika nafasi ya 1 katika Halmashauri zote Nchini.

Pia ameipongeza Idara ya Elimu SekondariI kwa kung'ara, kushika nafasi ya kwanza (1) kimkoa katika matokeo ya kidato cha nne na kuwataka walimu kutokuridhika na matokeo hayo na badala yake kuongeza bidii ili kuleta matokeo mazuri zaidi.

Nae Mkuu wa Wilaya ya Iringa Mhe. Mohamed Moyo amewapongeza Madiwani na wataalam wa Manispaa ya Iringa kwa jitihada wanazozifanya katika kuwaletea wananchi maendeleo na ameitaka kamati ya ulinzi na usalama ya Wilaya kuwashughulikia watumishi wote ambao wanaenenda kinyume na maadili ya kazi mara moja

Gerald Mwamuhamia, Kaimu Mkurugenzi amesema anapokea maelekezo yote yaliyotolewa na Baraza na  kuahidi kuyatendea kazi.