IRINGA KUWA MWENYEJI WA MAADHIMISHO YA KITAIFA YA KUPAMBANA NA DAWA ZA KULEVYA

Posted on: June 20th, 2018

“Tujenge maisha yetu, jamii yetu, utu wetu bila dawa za kulevya.”

Hii ni kauli mbiu ya maadhimisho ya Kitaifa ya kupambana na dawa za kulevya duniani ambapo Kitaifa maadhimisho  yatafanyika katika Mkoa wa Iringa, Manispaa ya Iringa  tarehe 26/06/2018 katika viwanja vya kichangani na mgeni rasmi anatarajia kuwa Waziri mkuu wa Jamuhuri ya Muungano wa Tanzania Mheshimiwa Kassim Majaliwa.

Akitoa taarifa kwa kamati kuu ya maandalizi ya maadhimisho hayo, Mkuu wa Mkoa wa Iringa Bi Amina Masenza  amesema, Iringa itakuwa mwenyeji  wa maadhimisho hayo na kabla ya kufikia kilele cha siku hiyo, shughuli mbalimbali zimendaliwa ikiwa ni pamoja na elimu kutoka kwa mamlaka ya kupambana na madawa ya kulevya, maonesho ya wajasiliamali na  vyombo  vya ulinzi na usalama, uhamasishaji kupitia gari la matangazo na matembezi kwa miguu, makongamano ya viongozi wa kiserikali za mitaa, na makongamano ya vyuo vya elimu ya juu.

Aidha amesema vita vya madawa  ya kulevya  ni vita yetu sote hivyo wananchi na wadau wa Mkoa wa Iringa tushikamane katika kutokomeza dawa hizi ambazo zimekuwa janga la Kitaifa.