JAMII YATAKIWA KUCHANGIA DAMU ILI KUSAIDIA WENYE UHITAJI HASA KINAMAMA WAJAWAZITO

Posted on: February 1st, 2021

Umoja wa wanawake Mkoa wa Iringa UWT leo 1/2/ 2021 wamefanya maadhimisho ya miaka 44 ya   kuzaliwa kwa chama cha mapinduzi katika viwanja vya Mwembetogwa ambapo pamoja na mambo mengine huduma ya upimaji afya kwa hiyari imetolewa bila malipo yeyote

Huduma zilizotolewa ni pamoja na upimaji wa virusi vya Ukimwi,Sukari,Saratani ya Mlango wa Kizazi, uchangiaji wa damu,Saratani ya matiti na Elimu ya lishe

Akiongea katika maadhimisho hayo mgeni rasmi Salim Abri amesema kazi iliyoko sasa  kwa Chama Cha Mapinduzi ni kuwahudumia wananchi mara baada ya uchaguzi mkuu kupita

Aidha MNEC Ameshauri wakati mwingine kuwepo na utoaji wa Elimu ya uzazi pia Elimu ya lishe ili kuifanya jamii iepukane na maradhi mbalimbali

Abri amesema Watoto wakipata lishe bora watakua na afya njema kwani watasoma vizuri hivyo  nashauri katika maadhimisho kama haya ufanyike utoaji wa Elimu ya lishe ili jamii iweze kuelimika  na kuwa na afya bora

Pia ametoa wito kwa jamii kujitolea damu kwani  imeelezwa kuwa chanzo kikubwa cha vifo vya akinamama wajawazito ni upungufu wa damu hivyo sadaka pekee tunayoweza kuitoa ni kuchangia damu kwa wale wenye uhitaji na jambo hilo linawezekana tukiamua.Tuchangie damu ili tuweze kuwa na Bank ya kutosha tuokoe maisha ya watanzania walio na uhitaji wa damu