KAIMU MKURUGENZI MANISPAA YA IRINGA APOKEA BARUA ZA KUJIUZULU KWA MADIWANI

Posted on: January 3rd, 2018

Kaimu Mkurugenzi wa Manispaa ya Iringa Omary Mkangama amepokea rasmi Barua za kujiuzulu kwa Madiwani wa kata ya Kwakilosa na Ruaha  zilizopo manispaa ya Iringa.

Akitoa ufafanuzi wa kujiuzulu kwa Madiwani hao kwenye kikao kilichofanyika Siku ya Jumatano Tarehe 03/01/2018 ofisini kwake na Waandishi wa Habari, amewataja Madiwani hao kuwa ni   Tandes Gabriel Sanga na Joseph Nzala Ryata Kutoka chama  cha Demokrasia na Maendeleo (CHADEMA)

Aidha Mkangama ameeleza sababu walizozitoa za kujiuzulu kuwa ni kutoridhishwa na uongozaji wa Baraza la Madiwani na Mwenendo wa vyama vyao.  

Barua za kujiuzulu kwa Madiwani hao zilipokelewa siku tofauti ambapo barua ya Diwani wa kata ya  Kwakilosa ilipokelewa tarehe 29/12/2017 na Kata ya Ruaha ilipokelewa tarehe 03/01/2018.