KAMATI YA FEDHA NA UONGOZI MANISPAA YA IRINGA YAWATAKA WATAALAM KUSIMAMIA MIRADI KWA MAKINI

Posted on: August 20th, 2021

Mstahiki Meya Manispaa ya Iringa  na Mwenyekiti wa Kamati ya Fedha na uongozi  Mhe.Ibrahim Ngwada amewataka Wataalam kusimamia Miradi ya Maendeleao  inayoendelea kutekelezwa  kwani kwa kufanya hivyo itapunguza changamoto za utekelezwaji wa miradi hiyo chini ya kiwango

Ngwada ameyasema hayo leo tarehe 20/8/2021 katika ziara ya kamati ya Fedha na Uongozi robo ya nne  2021  ambayo imefanyika kwa lengo la kukagua  miradi mbalimbali na kujionea maendeleo ya utekelezwaji wa miradi hiyo

Hata hivyo  Ngwada ameagiza wataalamu wa Manispaa kusimamia miradi hiyo kwa kuzingatia   taratibu zilizowekwa na kujenga miradi yenye ubora inayotakiwa,kukamilika kwa  wakati pia iendane na thamani ya fedha zilizotolewa

Aidha katika ziara hiyo Mkurugenzi wa Manispaa ya Iringa Limbe B.Limbe alipata fursa ya kujitambulisha kwa wajumbe wa kamati hiyo na kuomba ushirikiano katika kuhakikisha wanaleta maendeleo  kwenye  Manispaa

Limbe amewashukuru wajumbe wa bodi za shule , zahanati pamoja na kamati za ujenzi kwa kuonyesha ushirikiano mkubwa kwa kufika maeneo ya miradi hiyo kwani inaonyesha kuwa wao ni sehemu ya miradi hiyo

Katika ziara hiyo miradi iliyokaguliwa ni pamoja na ujenzi Kituo cha Afya Itamba,ujenzi wa bweni Shule ya Sekondari Mawelewele,ujenzi wa bweni shule ya Sekondari ya Nduli,na ujenzi wa madarasa 2 na choo Shule ya Msingi mnazi mmoja .