KAMATI YA KUDHIBITI UKIMWI YAFANYA ZIARA KUKAGUA MIRADI YA MAENDELEO

Posted on: May 3rd, 2021

Kamati  ya kudhibiti Ukimwi ya Manispaa ya Iringa imefanya ziara ya robo ya tatu leo tarehe 3/5/2021 kukagua na kutembelea kikundi cha  WAVIU  cha  Itika kilichopo Kata ya Mwangata kwa lengo la kuona shughuli za kiuchumi zinazofanywa na kikundi hicho.

Kikundi hicho kimeomba kupata mkopo kutoka Halmashauri ambao utawasaidia kuendesha mradi huo  wa kuoka mikate na kukuza kipato chao.

Kikundi  cha Itika kilipata msaada wa Mashine ya kuoka mikate yenye thamani ya shilingi milioni Arobaini na moja (41,000,000) kutoka kituo cha Allamano kwa lengo la kuwainua kiuchumi.Mashine hiyo ina uwezo wa kuoka wastani wa mikate thelasini na nane (38) au zaidi kulingana na ukubwa wa mikate kwa mara moja

Mhe.Kenyata Likotiko ambaye ni mwenyekiti wa kamati ya Kudhibiti ukimwi amesisitiza Halmashauri kuwapa mkopo kwa wakati ili watimize malengo yao.

Kwa upande  wake Ibrahim Ngwada Mstahiki Meya wa Manispaa ya Iringa  ambaye ni mjumbe wa kamati hiyo amezitaka Taasisi zingine zilizopo Manispaa ya Iringa zijitokeze kwa wingi kujitolea kusaidia vikundi vya WAVIU vilivyopo Manispaa ya Iringa ili iwepo nguvu ya pamoja kwani inaonyesha Taasisi zinazoshiriki kuchangia vikundi hivyo ni chache.