Kamati ya Mipango miji na Mazingira Wakagua Utekelezaji wa Miradi ya Maendeleo Iringa Manispaa

Posted on: August 17th, 2021

Leo Agasti 17, 2021, Kamati ya Mipango Miji na Mazingira Halmashauri ya Manisipaa ya Iringa ikiongozwa na Mwenyekiti Mhe. Tandes Sanga imefanya ziara ya kukagua utekelezaji wa Miradi mbalimbali ya Maendeleo inayotekelezwa ndani ya Manisipaa ya Iringa

Aidha ziara hiyo imeambatana na wataalamu wa Halmashauri ikitembelea; Eneo la ujenzi wa Machinjio ya kisasa Ngelewala, ujenzi wa Maabara katika shule ya Sekondari Kwakilosa na ukarabati wa jengo la Zahanati ya Itamba huku kamati hiyo ikimpongeza Mkurugenzi kwa usimamizi mzuri wa ujenzi na ubora wa miradi hiyo

Mbali na ukaguzi huo kamati imesikiliza changamoto zinazokabili ukamilifu wa miradi hiyo huku kaimu Mkurugenzi wa Manispaa Ndg. Omary Mkangama akiahidi kuzifanyia kazi

Sambamba na hayo Kamati imewataka wakandarasi kutimiza wajibu wao kwa kuhahikisha wanajenga miradi hiyo kwa ubora na kwa wakati ili kufikia malengo yaliyo kusudiwa.