KAMATI YA SIASA YA CCM (W) IRINGA MJINI YAFANYA ZIARA KUKAGUA MIRADI YA MAENDELEO

Posted on: July 10th, 2023

KAMATI ya Siasa ya Halmashauri kuu  ya CCM Wilaya ya Iringa Mjini ikIongozwa na Mawenyekiti wake ndugu Said Lubeya imefanya ziara ya siku mbili kutembelea na kukagua  Miradi ya maendeleo inayotekelezwa  na Halmashauri ya Manispaa ya Iringa lengo likiwa kuona maendeleo ya miradi hiyo.

Ziara hiyo iliyofanyika Julai 10 na 11 2023  na  kutoa  maelekezo kwa Mkurugenzi na Timu ya Menejimenti kuongeza kasi ya ujenzi  ili kukamilisha kwa wakati uliopangwa na miradi hiyo ili ianze kutumika kwa manufaa ya wananchi

Lubeya amesema kazi ya kamati hiyo ni kuhakikisha Ilani ya Ccm inatekelezwa ili kuwapa nguvu ya kusimama majukwaani kwa ujasiri wakati utakapo fika wa kuomba ridhaa kwa wananchi kwa kipindi kingine.

'Wataalamu tumieni taaluma zenu vizuri hakikisheni fedha zilizotolewa na Mhe.Rais wa Jamhuri ya Muungano wa Tanzania  Dkt.Samia Suluhu Hassan zinatumika ipasavyo kwa maslahi mapana ya wananchi..

Nao wenyeviti wa Serikali za  Mitaa wamekiri kushirikishwa vyema katika hatua zote za ujenzi wa miradi hiyo huku wakiomba Halmashauri ijenge Shule ya Sekondari Gangilonga na  Kihesa kwani kuna  idadi kubwa ya wanafunzi wanaomaliza elimu ya Msingi katika Shule za Msingi Ngome,kihesa na Tumaini ambao wote wanaitegemea Shule ya Sekondari Kihesa na kufanya shule hiyo kuwa na msongamano wa wanafunzi hali ambayo inasababisha wanafunzi kushindwa kufanya vizuri katka mitihani yao ya mwisho.

Baadhi ya wajumbe walipata fursa ya kuuliza maswali katika maeneo ya Miradi ambayo yalijibiwa na timu ya Menejimenti iikiongozwa na Mkurugenzi ndugu Kastori Msigala.

Miradi iliyotembelewa ni pamoja na ujenzi wa vyumba 3 vya darasa Shule ya Msingi Lugalo ambapo walipokea tshs. 60,000,000/=,ujenzi wa vyumba 5 vya madarasa na matundu 6 ya vyoo Shule ya msingi Ngome walipokea  tshs. 137,000,000/=,ukamilishaji wa madarasa 3 Shule ya msingi Tumaini nao walipokea tshs.43,750,000/=,ukarabati wa jengo la  OPD na ununuzi wa vifaa tiba zahanati ya Mtalagala walipokea  tshs100,000,000/=

Miradi mingine ni ujenzi wa vyumba 5 vya  madarasa  Shule ya Asekondari Mtwivila walipokea tshs 100,000,000/=.

Kwa Upande wake Mkurugenzi ndugu Msigala amesema amepokea maelekezo yote kutoka kwenye Kamati hiyo na  ameahidi kuyatendea kazi mara moja.

Ziara hiyo iliwahusisha vingozi mbali mbali i wa Chama na Serikali timu ya Menejimenti,ambapo Mwenyekiti wa Kamati hiyo aliwapongeza wajumbe kwa ushiriki wao katika ziara hiyo pamoja na michango waliyotoa iliyolenga kuboresha ujenzi wa Miradi hiyo ambayo inatarajia kukamilika mwishoni mwa mwezi Julai.