KAMATI YA UKIMWI YAMTAKA MKURUGENZI KUBORESHA JENGO LA ZAHANATI YA IGUMBILO

Posted on: August 13th, 2021

Mwenyekiti wa kamati ya UKIMWI Halmashauri ya Manispaa ya Iringa Mhe. Kenyata Likotiko ambaye pia ni Naibu Meya wa Manispaa ya Iringa amemtaka Mkurugenzi kuitazama zahanati ya Igumbilo kwa kuboresha na kuiongezea jengo la matibabu kwa watu wanaoishi na virusi vya Ukimwi

Likotiko ameyasema hayo leo Agosti 13 katika ziara yake na kamati hiyo iliyotembelea kituoni hapo kutazama namna shughuli za matibabu ya wagonjwa hao zinavyotolewa kutuoni hapo huku ikibainika changamoto ya ufinyu wa jengo kutokana na uwingi wa wanachi  wanaohudumiwa katika kituo hicho

'Kituo hiki cha za zahanati ya Igumbilo kipo chini ya Manispaa ya Iringa hivyo ni muhimu jengo hili liboreshwe ili kurahisisha utoaji wa huduma kwa wananchi alisema Likotiko'

Aidha ziara hiyo imetembelea na kukagua kituo cha  Allamano kilichopo chini ya Taasisi binafsi ya CONSOLATA MISSIONARY SISTERS  ambacho pia kinajishughulisha na kutoa huduma mbalimbali za ushauri wa kisaikolojia, elimu, malezi ma makuzi, uimarishaji uchumi na kaya na huduma za upimaji wa UKIMWI  katika kujionea mwenendo wa utolewaji wa huduma za wagonjwa wa VVU

Likotiko ameupongeza uongozi wa Kituo hicho kwa namna wanavyoshirikiana na Manispaa kutekeleza majukumu yao kwa kutoa huduma bora kwa wakazi wa Manispaa ya Iringa

Omary Mkangama ni kaimu Mkurugenzi Manispaa amesema amepokea maelekezo yote yaliyotolewa na kamati na kuahidi kuyatendea kazi.