KARIBU MKURUGENZI MSIGALA-MANISPAA YA IRINGA

Posted on: June 13th, 2023

Na Mwandishi

13/06/2022

Timu ya Menejimenti ya Halmashauri ya Manispaa ya Iringa ikiongozwa na Kaimu Mkurugenzi Ndugu Charles Mwakalila  leo Juni 12 2023 imempokea

Ndugu Kastori G.Msigala Mkurugenzi wa Halmashauri katika ukumbi  wa Mikutano  wa Manispaa hiyo.

Akimkaribisha Mkurugenzi huyo,kaimu Mkurugenzi Ndugu Charles Mwakalila anesema kwa niaba ya Menejimenti waheshimiwa Madiwani na watumishi wote wako tayari kumpa ushirikiano  katika kutekeleza majukumu yake.

Mwakalila amewashukuru Menejimenti kwa ushirikiano waliompa kipindi chote alichokuwa akitekeleza majukumu yake akiwa Kaimu Mkurugenzi na kuwataka waendelee na moyo huo kwa Mkurugenzi aliyepo sasa kwa ustawi wa wananchi na Halmashauri  kwa ujumla.

Naye Mkurugenzi ndugu Kastori G.Msigala amesema anashukuru kwa mapokezi hayo na  anaamini atafanya kazi vizuri na timu hiyo ya wataalamu na  kuwa yeye hufanya kazi kwa kuzingatia ushauri wa wataalamu hivyo  anaamini ushauri atakaopewa na timu hiyo  ambao utakuwa kwa njia ya maandishi utazingatia utaalamu ili kuweza kuleta tija katika Halmashauri yetu.

Kastori G.Msigala kabla ya kuja Manispaa ya Iringa alikuwa Mkurugenzi wa Halimashauri ya wilaya ya Moshi ambako alikuwa akitekeleza majukumu yake mpaka tarehe 7 Juni 2023 ambapo Mhe.Rais wa Jamhuri ya Muungano wa Tanzania Samia Suluhu Hassan alipofanya mabadiliko ya Makatibu Tawala wa Wilaya na Wakurugenzi watendaji wa Halmashauri za  Serikali za Mitaa na kumhamishia katika Halmashauri ya Manispaa ya Iringa.