KATIBU MKUU TAMISEMI AWASHUKIA WAAJIRIWA WAPYA, AWATAKA KURIPOTI KATIKA VITUO VYAO VYA KAZI KWA WAKATI

Posted on: July 5th, 2021

Katibu Mkuu Ofisi ya Rais Tawala za Mikoa na serikali za Mitaa PROF.Riziki Shemdoe amewataka walimu wapya  kuripoti kwenye maeneo yao ya kazi kabla ya tarehe 14 Mwezi  huu wa saba 2021.

Akizunguza na waandishi wa habari katika ziara ya kukagua shughuli za ukarabati wa madarasa pamoja na mabweni katika shule ya wasichana Iringa, iliyo gharimu zaidi ya shilingi milioni mia saba za kitanzania (TZS 700,000,000)

 Prof. Shemdoe amesema kuwa waajiriwa wapya  wasiporipoti kwa wakati katika vituo vyao vya kazi nafasi zao zitachukuliwa.

Aidha  prof. Shemdoe  amempongeza Katibu Tawala Mkoa Bi. Happiness Seneda na Mkurugenzi wa Halmashauri ya Manispaa ya Iringa Ndugu Hamid Njovu kwa usimamizi mzuri waliofanya katika ukarabati huo na pia amewataka wakurugenzi wote Nchini kuwasaidia watumishi wapya ikiwa ni pamoja na kuwakopesha fedha kwa ajili ya kujikim wakati wakijiandaa kupokea mishahara.

Kadhalika Mwalimu Mkuu wa shule hiyo Bi.Blandina Nkondola ameelezea changamoto zilizopo ni upungufu wa walimu wa Elimu maalum,upungufu wa bweni moja na madarasa mawili pamoja na fedha kwa ajili ya umalizaji wa uzio.

Licha ya Mwalimu Mkuu kuelezea changamoto hizo   katibu mkuu amehaidi kuzitatua  kwa haraka ikiwa ni pamoja na kutoa fedha kiasi cha shilingi milioni kumi (TZS 10,000,000) kiasi ambacho kilichoahidiwa na ofisi yake mapema mwaka huu

Bi.Maria Nicholaus  ni miongoni mwa walimu waajiriwa wapya waliofika katika vituo vyao vya kazi mapema ameeleza namna alivopokelewa vizuri na kuahidi kufanya kazi kwa weledi katika kituo chake kipya  cha kazi.