KATIBU TAWALA MKOA AWAPA SOMO MENEJIMENTI-MANISPAA IRINGA

Posted on: June 24th, 2022

Katibu Tawala wa Mkoa wa Iringa Ndugu Happiness Seneda ameitaka  Menejimenti ya Manispaa ya Iringa kuweka mikakati madhubuti ili kuhakikisha shughuli  zote za Manispaa zinafanyika kwa ufanisi ikiwa ni pamoja na kutekeleza miradi ya maendeleo kwa kuzingatia ubora na  kukamilisha kwa wakati uliopangwa.

Ndugu Seneda ameyasema hayo leo tarehe 24/6/2022 katika ukumbi wa mikutano wa Manispaa ikiwa ni kikao kazi cha kujipima,kujisahihisha

na kuweka mikakati  ya kuboresha utendaji kazi ili Manispaa iweze kusonga mbele  na kutoa huduma bora kwa wanachi na  kuleta maendeleo kwa jamii .

Aidha Ndugu Seneda ameipongeza Menejimenti ya Manispaa ya Iringa kwa kufanya vizuri katika ukusanyaji wa mapato  kwa mwaka wa fedha

2021/2022 kwa kukusanya shilingi bilioni 4.6 sawa na asilimia 95 ya lengo walilojiwekea kukusanya

Pia ameitaka Menejimenti kubuni vyanzo vipya vya mapato ili Manispaa ikusanye mapato zaidi.

Katika kikao kazi hicho wakuu wa idara na vitengo walipata fursa ya kuelezea mikakati waliyonayo kuboresha utendaji kazi katika kila Idara.

Kaimu Mkurugenzi wa Manispaa ya Iringa Ndugu Gerald Mwamuhamila amesema ameyapokea maelekezo yote yaliyotolewa  na Katibu Tawala na kuahidi kuyafanyia kazi mara moja.