KATIBU TAWALA MOOA WA IRINGA, BI HAPPINESS SENEDA AMEWAPONGEZA MAAFISA KILIMO NA UFUGAJI KWA UBORA WA KAZI ZAO KATIKA MAONESHO YA NANE NANE 2020 HUKO MKOANI MBEYA

Posted on: August 2nd, 2020

Katibu Tawala Mkoa wa Iringa Bi.Happiness Seneda leo amemuwakilisha mkuu wa Mkoa wa Iringa mh. Ally Hapi kutembelea baadhi ya mabanda ya maonesho ya nanenane nyanda za juu kusini yaliyoanza jana katika viwanja vya John Mwakangale Jijini Mbeya.

Bi.Seneda amewapongeza maafisa kilimo na mifugo kwa kujipanga vizuri katika maonesho hayo kwa  kuleta wakulima,wafugaji na wavuvi wenye sifa zinazohitajika.

Aidha Bi.Seneda amewataka wataalamu kutoa elimu ambayo itawaletea tija wakulima na wafugaji walioko katika Halmashauri zao na siyo kuonyesha mashamba,mifugo na bidhaa zenye  ubora katika viwanja vya maonesho wakati wakulima wao hawana elimu ya kutosha Kufanya  vizuri katika kuzalisha mazao yao.

Mabanda yaliyotembelewa ni pamoja na Yara,Agricom,East African seed,Mkwawa university,TFA,Mufindi Dc pamoja na Njombe Dc.