KATIBU TAWALA WILAYA YA IRINGA AKABIDHI ZAWADI SHINDANO LA MASOMO SAYANSI.

Posted on: October 30th, 2018

Katibu tawala wa wilaya ya Iringa Mh Hashimu Komba amekabidhi zawadi ya fedha taslimu  Tsh 500,000/=  kwa shule  ambazo zimeibuka kidedea katika shindano la usomaji masomo ya sayansi.

katika shindano hilo shule ya sekondari ya highland ya mjini Iringa ilishika nafasi ya kwanza na kujinyakulia kitita cha Tsh. 200,000 huku nafasi ya pili ikishikwa  na shule ya sekondari miomboni iliyoondoka na Tsh. 150,000.

Aidha Ndugu Hashim Komba amewataka madiwani kufanya mashindano kama hayo kuanzia kwa shule zilizopo katika  kata zao  na ili kuwapata  wanafunzi  wazuri  wa kuwawakilisha kwenye ngazi ya wilaya ,Mkoa kitu kinachopelekea  kuwepo na ufaulu mzuri kwa ngazi ya Taifa letu.

Mashindano hayo yalizinduliwa na Mhe Ritha Kabati (MB) katika ukumbi  wa mikutano uliopo kwenye shule sekondari ya wasichana Iringa (Iringa Girls) ikiwa na lengo la kuleta chachu ya ushindani utakaoongeza ufaulu katika masomo ya sayansi.