KAMATI YA USHAURI YA WILAYA (DCC) YAFANYA KIKAO CHA KUPITIA MAPENDEKEZO YA MPANGO WA BAJETI KWA MWAKA WA FEDHA 2020/2021.

Posted on: January 24th, 2020

“Nimpongeze Mkurugenzi pamoja na Wataalam wa Manispaa ya Iringa kwa kuanzisha Mradi wa Ufyatuaji wa tofali, kukarabati  gari  la taka pia ni muhimu kununua magari ya taka katika Manispaa yetu ili tuendelee kushika nafasi nzuri ya usafi”

Kauli hii imetolewa na Mkuu wa Wilaya ya Iringa Mhe.Richard Kasesela katika Kikao cha kamati ya ushauri ya Wilaya (DCC) cha kupitia mapendekezo ya mpango wa bajeti ya Mwaka wa fedha 2020/2021 kilichofanyika katika Ukumbi wa Manispaa Tarehe 24.1.2020.

Aidha  kikao hicho kilikua na Agenda tano ikiwemo kusoma makadilio ya mapato na matumizi kwa Mwaka wa fedha 2019/2020 na mpango wa bajeti wa Mwaka wa fedha 2020/2021.

Mbali na hapo Mkuu wa Wilaya ya Iringa Mhe.Richard Kasesela ,Kamati ya Usalama na Wataalam wamefanya Ziara katika stendi  ya Kisasa ya Mabasi ya Igumbilo.