MADIWANI MANISPAA YA IRINGA WAFANYA ZIARA RUNGWE

Posted on: May 19th, 2023

Mstahiki Meya wa Manispaa ya Iringa Mhe.Ibrahim Ngwada leo Mei 19. 2023 ameongoza Baraza la Madiwani na Mwenyekiti wa Ccm Milaya ndugu Said Lubeya katika ziara ya  kutembelea miradi mbali mbali ya maendeleo Halmashauri ya wilaya ya Rungwe

Miradi iliyotembelewa ni pamoja na Kiwanda cha Maziwa ASAS kilichopo eneo la Ilenge ambapo Madiwani wamejionea namna kilivyoinua Sekta ya ufugaji katika wilaya ya Rungwe,kiwanda hicho kimefanya uwekezaji wa sh bilioni 3 na kinakusanya lita 20,000 za maziwa kwa siku ambapo kimeajiri vijana wapatao 42 ambao wanakusanya maziwa kutoka vijijini kuyaleta kiwandani hapo.

Kwa sasa kiwanda kinakusanya maziwa lakini ifilapo Juni  mwaka huu kitaanza kusindika maziwa katika eneo hilo  la ILENGE

Mradi mwingine ni jengo la kuhifadhia  mali mbichi  (cold room) lililopo katika Ukanda wa uwekezaji Ilenge  Kata ya Kyimo  ambapo  wallpata fursa ya kujifunza namna  mazao ya Parachichi     yanavyo safirishwa na kuhifadhiwa katika jengo hilo linalomilikiwa na Halmashauri.

Pia  Madiwani wamejionea jinsi Halmashauri inavyovutia wawekezaji kwa kutenga ardhi na kuweka miundombinu wezeshi ya uwekezaji  kama maji, umeme, barabara  na majengo.

Awali akiwakaribisha Madiwani Mwenyekiti wa  Halmashauri ya  Wilaya ya Rungwe Mhe.Mpokigwa Mwankuga amesema Wilaya ya Rungwe imebarikiwa ardhi nzuri kwa ajili ya shughuli mbalimbali  ikiwepo  ufugaji, kilimo na vivutio vingi vya utalii na kuwakaribisha Madiwani wa Manispaa ya Iringa kuwekeza wilayani humo.

Ibrahim Ngwada ni Mstahiki Meya wa  Manispaa ya Iringa ameshukuru uongozi wa Wilaya ya Rungwe  kwa ukarimu na kusema kuwa amejifunza mambo mengi mazuri na kuvutiwa na namna umoja wa wanawake wafugaji Rungwe  (UWAWARU) wanavyofanya shughuli zake na kuahidi kuyafanyia Kazi pindi atakqporudi Manispaa kwa lengo la kuleta maendeleo Katika Halmashauri, huku Mwenyekiti  wa CCM Wilaya ndugu Said  Lubeya akiwapongeza kampuni ya ASAS DIARIES  Kwa uwekezaji mkubwa wanaoufanya Manispaa ya Iringa pamoja na Wilaya ya Rungwe.

Lubeya amesema ipo haja Halmasuri ikaongeza idadi ya wafugaji wa Ng"ombe kwani kuna uhakika wa soko la maziwa,Pia amewapongeza wilaya ya Rungwe kwa jitihada wanazofanya kuhakikisha wanafanya vizuri katika Sekta ya ufugaji  wilayani hapo.

Imetolewa na Kitengo cha Mawasiliano Serikalini.

 Manispaa ya Iringa.