MAHAKAMA YA WANANCHI NA ALLY HAPI NDANI YA MANISPAA YA IRINGA

Posted on: August 10th, 2020

Mkuu wa Mkoa wa Iringa Mh. Ally Hapi amefanya ziara ya kukagua mradi wa mchinjio ya ng'ombe ya Ngelewala yaliyopo ndani ya Manispaa ya Iringa na kufanya mkutano wa hadhara eneo la kona ya kabali kwa lengo la kusikiliza kero za wananchi leo tarehe 10.08.2020.

"Wananchi waliowengi wanaonewa kwakuwa viongozi hawasimamii haki kwa wakati, hivyo ndugu viongozi tuache kuwaonea wananchi na mkiendelea na tabia hii nitawashughulikia ipasavyo"

Maneno hayo yamezungumzwa na Hapi alipokuwa akisikiliza kero za wananchi hao na kuzitolea suluhisho.

Sambamba na hilo katika ziara yake Mkuu wa mkoa ameambatana na Mkuu wa wilaya ya Iringa Mh. Richard Kasesela pamoja na watalamu mbalimbali wa Manispaa.

Kasesela amemshukuru Mh. Hapi kwa moyo wake wa kujitolea kuwasaidia wananchi na kumuomba aendelee kuwa na moyo huo kwa maendeleo ya Manispaa ya Iringa.