MANISPAA YA IRINGA KUTOA DONGE NONO LA MKOPO KWA MADEREVA BODABODA NA MACHINGA

Posted on: September 14th, 2020

Ofisi ya maendeleo ya jamii Halmashauri ya Manispaa ya Iringa imetoa mafunzo ya uongozi bora kwa vikundi vya vijana vinavyonufaika na mkopo kutoka katika Manispaa hiyo.

Mafunzo hayo yamefanyika leo tarehe 14 september 2020 katika ukumbi wa walfare ambapo makundi mawili ya meshiriki ambayo ni viongozi  umoja wa madereva bodaboda na umoja wa  machinga Manispaa ya Iringa.

Akizungumza katika  mafunzo hayo  Afisa maendeleo ya jamii Ndg. Eliya Kasanga amesema ili uwe kiongozi bora ni lazima utumie katiba zilizowekwa na wanachama na sio kuweka mawazo kwani walio wengi hutumia katiba katika usajili baada ya hapo haitumiki tena.

Hata hivyo Mkuu wa Idara hiyo Bi.Mwantum Dos amewataka viongozi hao kuitumia vizuri mikopo wanayopewa ili iwasaidie kukua na kijiimarisha kiuchumi.