MANISPAA YA IRINGA YAADHIMISHA MAPINDUZI YA ZANZIBAR KWA KUPANDA MITI NA KUFANYA USAFI WA MAZINGIRA

Posted on: January 12th, 2021

Mstahiki Meya wa Manispaa ya Iringa Mhe. Ibrahim Ngwada ameta mifuko 50 ya saruji katika Shule ya Msingi Chemchem kwa ajili ya umaliziaji wa ujenzi wa choo chenye matundu 28 shuleni hapo

Mh. Ngwada ameonyesha mfano na kuitaka jamii kuchangia maendeleo ya elimu katika Manispaa ya Iringa kupitia shughuli mbalimbali za jamii

Zoezi hilo limefanyika leo tarehe 12/01/2021 ikiwa ni maadhimisho ya miaka 57 ya Mapinduzi matukufu ya Serikali ya Zanzibar

Naye Mbunge wa jimbo la Iringa mjini Mhe. Jesca Msambatavangu amechangia mabati katika ujenzi huo wa choo katika Shule hiyo na kuahidi kama watakamilisha ndani ya wiki mbili atawakabidhi bati hizo

Nae Rais wa Serikali ya Chuo kikuu cha RUCU akiwa ameongozana na na kundi la umoja wa vijana wa CCM seneti tawi la RUCU ametoa kiasi cha sh 50,000/= ziweze kusaidia ujenzi huo

Wengine walio changia ujenzi huo ni pamoja na Diwani wa kata ya Mkimbizi  Eliud Mvela ambaye amechangia sh 30,000/= na kusema jukumu la kuhakikisha wanafunzi wanapata elimu bora ni letu jamii

Mkurugenzi wa Manispaa ya Iringa  ndugu Hamid Njovu amesema anashukuru kupata Mbunge ambaye anajitoa kusukuma maendeleo ya wananchi wake

Awali maadhimisho hayo yalianza Katika Stendi mpya ya Igumbolo ambapo wananchi na taasisi mbali mbali walijitokeza katika uzinduzi wa upandaji miti ambapo miti 500 ilipandwa katika eneo hilo

Waliojitokeza katika maadhimisho hayo ni vikundi mbalimbali vya usafi wa mazingira, wananchi, Envbright, MWAKIMC, Cleaners Health na umoja wa vijana CCM Seneti tawi la RUCU, Tawagro na  Waheshimiwa madiwani wa chama cha Mapinduzi Manispaa