MANISPAA YA IRINGA YAPOKEA HATI SAFI YA MKAGUZI MKUU WA HESABU ZA SERIKALI KWA MARA YA TATU MFULULIZO

Posted on: May 27th, 2019

Mkuu wa mkoa wa Iringa Mheshiwa Ally Hapi ameipongeza Halmashauri ya manispaa ya Iringa kwa kupata hati safi  ya mkaguzi mkuu wa hesabu za serikali zinazoishia tarehe 30/06/2018 kwa mara ya tatu mfululizo

Mheshimiwa Hapi ametoa pongezi hizo katika kikao cha baraza maalumu la kupitia hoja za mkaguzi mkuu wa hesabu za Serikali kilichofanyika katika ukumbi wa Manispaa na kuhudhuriwa na timu ya wataalamu, waheshimiwa madiwani pamoja na wadau mbalimbali wa maendeleo Manispaa ya Iringa.

Aidha ameishauri Manispaa ya Iringa kuendelea kutetea hati hiyo kwa miaka mingine ijao na kuitaka iendelee kufanya vizuri kwenye mambo mengine ya kimaendeleo ikiwemo usafi na miradi ya maendeleo ili kusogeza huduma karibu zaidi kwa wananchi.

Baraza maalumu la kupitia hoja za mkaguzi mkuu wa hesabu za serikali hufanyika kila mwaka kwa lengo la kukuza ufanisi wa shughuli mbalimbali za maendeleo zinazotekelezwa na Halmashauri ya manispaa ya Iringa.