MAPATO KUKUSANYWA 80% WILAYA YA IRINGA • DC Kessy Asisitiza Kuvifikia Vyanzo Vyote vya Mapato

Posted on: September 4th, 2023

Mkuu wa Wilaya ya Iringa Mhe. Veronica Kessy amewataka wataalamu ndani ya Halmashauri ya Manispaa hiyo kuhakikisha wanakusanya mapato ya ndani ipasavyo kwa kuvifikia vyanzo vyote vya mapato.

Ametoa tamko hilo Septemba 4, 2023 katika Mkutano wa Baraza la Madiwani la mwaka 2022/2023 lililofanyika katika ukumbi wa Halmashauri ya Manispaa ya Iringa.

“Tujitahidi kukusanya mapato ya ndani kwa umakini, na kwa kuvifikia vyanzo vvyote vya mapato ndani ya Halmashauri kama tulivyokubaliana ni lazima tukusanye zaidi asilimia 80 ya mapato ya ndani.” Amesema DC Kessy

Aidha, amewaasa wajitahidi kuzingatia matumizi ya fedha kwa uangalifu mkubwa kwani maendeleo ya halmashauri huchangiwa kwa kiasi  na mapato ya ndani.