MEYA NGWADA ATEMBELEA MAONESHO YA KIMATAIFA YA NANE NANE

Posted on: August 1st, 2023

MSTAHIKI Meya wa Halmashauri ya Manispaa  ya Iringa Mhe.Ibrahim Ngwada akiongozana na Mwenyekiti wa CCM Wilaya ya Iringa Mjini Ndugu Said Rubbeya leo tarehe 3.Agosti 2023 wametembelea banda la Halmashauri ya Manispaa ya Iringa kwenye maonesho ya KimatIfa ya biashara Nanenane  yaliyoanza tarehe 1 Agosti 2023 na kufunguliwa rasmi na Makamo wa kwanza wa Rais Mhe Dkt..Philipo Mpango..

Katika ziara hiyo wamepata fursa ya kujifunza namna ya kulima kilimo bora chenye tija,namna bora ya kufuga kuku,ng,ombe,mbuzi,Sungura,Bata Mzinga,ufugaji wa Samaki wa chakula na samaki wa mapambo.

Mhe.Ngwada amesema maonesho hayo ya Nanenane Kimataifa yana maana kubwa sana kwani ushiriki wa Halmashauri katika maonesho hayo umekuwa wa manufaa makubwa kwani wamepata fursa ya kujifunza kutoka kwa Halmashauri zingine pamoja na  Mataifa  mengine,hivyo kupata ujuzi zaidi ambao watautumia kuboresha na kufanya vizuti zaidi katika Sekta hiyo.

Monesho hayo ya siku nane yatamalizika tarehe 8 Agosti 2023 ambapo Mgeni rasmi atakuwa Rais wa Jamhuri ya Muungano wa Tanzania Dkt. Samia Suluhu Hassan.

K/Mkuu wa Kitengo cha Mawasiliano Serikalini,

Manispaa ya Iringa.